Safar

Mai ek safar pe hun,

Mai zindagi ke safar me hun

Har subha ik nayi daud laati hai,

Har sham bas yahi keh jati hai

Mai ek safar pe hun...

Mai zindagi ke safar me hun..

Har roz ik naya panna likhti hu,

Har roz kuch naya sa seekhti hu

Magar jab aaspas dekho toh lagta hai,

Kuch alag si duniya mein mai rehti hu

Jab baki log naukri ke liye bhagte hai,

Mai ghar se apni agli daud lagati hu

Jab office sab khatam kar aate hai,

Mai tab bhi kaam ka hi sochti reh jati hu

Ghar aur kam ke beech ki deevar..

Kuch dhundli si ho gayi hai..

Aajkal chaah kar bhi do pal,

Khali baithne se maano 'allergy' si hogayi hai?

Najane dusron ki zindagi 

Hamesha asan kyu lagti hai?

Jab khud uss zindagi ko jiyo

Toh har padaav ek chattan si kyu lagti hai?

Baith ke socha toh akhir

Samajh kuch aisa aya,

Ki har koi ek safar pe hai..

Zindagi ke safar me hai,

Har koi apna rasta bana rha..

Har koi iss badi si duniya me,

Apne liye ek jagah bana raha hai..